Aurkezpenean abestutako Donostia pizteko koplak

EZ DAKIT AHORIK IXTEN

1/

Donostia, Donostia (bis)

pintxoz ta ardoz bustia

kantuz esatera gatoz

esan ezin den guztia.

2/

Galerna dator, galerna! (bis)

ondo gorde da lanperna

berriro itxi didate

etxe azpiko taberna.

3/

Haizerik ez da gelditu (bis)

orraziak hautsi ditu

noiz bilakatu ote zen

hitz egitea delitu?

4/

Kasino, hotel ta bingo (bis)

noria ta tamarindo

isun bat ordaindu nuen,

ez dut berriro egingo!

5/

Ai, Donostia Bilintxen! (bis)

gaur zer haiz ta lehen zer hintzen?

lagun bat daukat kalean

kartoi azpian bizitzen.

6/

Aulkiak hutsik Ilunben (bis)

kapote atzean geunden

zezen bat ihesi joan da

eta ez dakigu nun den!

7/

Olatuak hona hara (bis)

Ondarreta, Santa Klara

etorkinik nahi ez duen

Donostia norena da?

8/

Otso artean bildotsa (bis)

Uliatik dator hotza

mundua erakarri nahi

ta hire buruaz lotsa!

9/

Txori bekaiztia ozen (bis)

kuku arrautzak berotzen

zertan ari haiz oraindik

Xalbadorri txistu jotzen?

10/

Maria Kristina ta Londres (bis)

denboraldiro erromes

Donostiarrok esklabu

aritzen gara bolondres.

11/

Kalea hasi da pizten (bis)

udaberria iristen

mintzo baldarra dut baina

ez dakit ahorik ixten.

One comment

Leave a Reply

Zure e-posta helbidea ez da argitaratuko. Beharrezko eremuak * markatuta daude